السلام عليكم ورحمة الله وبركاته
مساء الخير على عيون الناس الحلوين
خلص ماتش مصر , كسبنا ، خلص ماتش زامبيا ، وخسرت زامبيا .
خلاص الجولة خلصت و ايا كانت نتيجة الجزائر مش في صالحنا الا اننا موقعنا اتعدل و نسبة تاهلنا زادت
مصلحتنا احنا ورواندا اصبحت مشتركة في الجولة الخامسة
رواندا تتمنى فوزنا على زامبيا لأن رواندا دلوقتي بتنافس بقوة على كاس افريقيا
ومصر تتمنى تعادل او فوز رواندا على الجزائر عشان مصر تنافس بقوة على كاس العالم
اذا المصلحة مشتركة جـدًا بين الفريقين ونتيجة كلاهما ستأثر في مشوار الآخر بالتصفيات
بعد نهاية الجولة الخامسة ، يارب يارب يارب يكون الترتيب كالتالي :
رواندا ( 2 ) ، زامبيا ( 4 ) ، مصر ( 10 ) ، الجزائر ( 11 ) .
و بعد كده كل منتخب هيروح لحاله ، وهيبقى كل منتخب مصيره بإيده
مصر مطلوب منها الفوز عالجزائر في مصر للتأهل لكأس العالم
ورواندا مطلوب منها تفوز على زامبيا للتأهل لكأس أفريقيا
واتمنى فوز رواندا ومصر .
ليصبح الترتيب :
زامبيا ( 4 ) ، رواندا ( 5 ) ، الجزائر ( 11 ) ، مصر ( 13 ) .
يارب يكون الترتيب كده ويتحقق السناريو الصعب ده
رواندا هتلعب قدام الجزائر باستماته ، وهتدافع بقوة لأن منتخب رواندا دفاعه غلس و رخـم وتقيل ، و يقدر يوقف مهاجمي الجزائر ، هجمة الجزائر جت من هجمة مكنش فيها مع مهاجمي الجزائر غير 3 لاعبين ، اما باقي الهجمات كان لاعبي زامبيا واقفين صح وقدروا يوقفوا مهاجمي الجزائر
اذا ان احكمت رواندا قبضتها في منطقة الجزاء بإذن الله ينتهي الماتش للتعادل .
ومصر بإذن الله تلعب ماتش العُمر أمام زامبيا في أحد اهـم ماتش في تاريخ مصر على مستوى كـرة القدم ، وبإذن الله تكون النتائج كالتالي :
الجزائر 0-0 رواندا
زامبيا 0- (2) 1 مصر بإذن لله
يارب وفق مصر ووقتها مش هنبص لفارق الأهداف ، وهيكفينا الفوز على الجزائر حتى لو 1-0 بإذن الله في ملعب الرعـب وسط 80 الف متفرج ووسط تشكيلة النجوم المصريين .
ومن هنا لشهرين كمان بإذن الله يكون في لاعبين اصبحوا جاهزين خير جاهزية لتمثيل منتخب مصر
كشيكابالا وحازم امام وعمرو زكي اللي اتمنى انه يكون عدل نفسه ( يارب يعدل نفسه قبل ماتش زامبيا ) و زيدان ربنا يهديه ويرجعه لعقله وصوابه
يارب انصرنا
يااارب
الأحد مايو 22, 2011 5:44 am من طرف MoOoDy
موضوع: مصلحة مصر ورواندا مشتركة في الجولة الخامسة للتصفيات 
