بسم الله الرحمن الرحيم
أولا : قدر الله وما شاء فعل .
قبل مباراة الجزائر مع زامبيا اليوم , كان فيه احتمالات كتير....
1- كانت الناس خايفه ان زامبيا تفوز وده كان هيزود الحماس في مباراتها مع مصر
و 90 % كانوا هيكسبوا
وطبعا زامبيا كانت هتروح لرواندا في أخر جولة
و ساعتها هتكون رواندا فاقده الأمل في أي شيء ...
ومش بعيد يحصل حاجات تانيه في المباراة لا داعي للتطرق ليها
2- الناس كانت بتقول ان الجزائر سهل جدا انها تفوز باسكور كبير علي زامبيا
تخيلوا لو كانت الجزائر انهارده فازت 4-0 !!!!
ساعتها كان هيبقي الشعور ايه كان هيبقي الفرق في الاهداف 6
والحمد لله ده ماحصلش والجزائر فازت بهدف واحد فقط
3- تعادل زامبيا مع الجزائر وده مش هنبصله لأن احنا بنتكلم دلوقتي في أسوأ الظروف
4- ان الجزائر تفوز بفارق قليل من الاهداف
والحمد لله كان هدف واحد
وكده بقي الفرق في الاهداف لصالح الجزائر +3 فقط حتي الان !!
دي كانت الاحتمالات ولو بصينا ليها هنلاقي ان أحسن واحد فيها (باستثناء التعادل طبعا)
هو الاحتمال اللي حصل بالفعل (فوز الجزائر 1-0 )
لازم نبص للواقع بصورة تانيه
ربنا ادالنا فرصه اخيرة علشان نثبت اذا كنا نستحق الوصول لكأس العالم ولا لأ ؟؟؟
لو عايزين نوصل باذن الله لكأس العالم
يبقي ان شاء الله نكسب ماتش زامبيا علي الاقل (2-0)
ولكل مجتهد نصيب , انا واثق ان شاء الله ان ربنا هيساعدنا
مين عالم , مش هقول ان رواندا ممكن تتعادل مع الجزائر
لكن ممكن الجزائر تفوز 1 او 2 فقط !!
وساعتها هيكون الحسم في مباراتنا مع الجزائر في القاهرة وسط 60 ألف مصري علي الأقل ان شاء الله
وباذن الله نحسمها , اما اننا نستحق الوصول فعلا ( كن علي يقين ان ربنا هيساعدنا ساعتها)
أو اننا نستني لتصفيات 2014 .......
الأحد مايو 22, 2011 5:44 am من طرف MoOoDy
موضوع: To Be, Or Not To Be 