هعمل ايه يعنى غير كده
اموت نفسى
اشجع فريق تانى
ابطل تشجيع
هشجع الزمالك ومهما حصل هشجع الزمالك لان بطاقتى مكتوب فيها
ذكر..مسلم...مصرى...زملكاوى
انا شفت مع الزمالك اسوأ من كده بكتير هل معنى كده انى هبطل اشجعه!!
فى حاجه غلط بس ايه هى ؟
مفيش جمل تكتيكيه مفيش لعب متفق عليها
وزى ما احمد غانم كان من اسباب الهزيمه الماتش اللى فات انا من رايى كمان ان فتح الله كان له دور النهارده
اللاعيبه بتلعب من غير روح مفيش هيبه للفانله البيضه
اللاعيبه نازله وهى خايفه من الجمهور
اهداف الزمالك كانت فرديه مفيهاش جماعيه
انا بقول للاعيبه اخسرو بس العبو كويس
لان جمهور الزمالك اهم حاجه تهمه هو الاداء الاستمتاع بالكوره وهو ده اللى بيميز الزمالك عن باقى الفرق
وعلشان كده احنا بنقول اللاعيبه لازم تقعد مع بعض تزيد الروح الجماعيه محتاجين جمل تكتيكيه تحفظها اللاعيبه ويقدرو ينفذوها فى الملعب لانه ببساطه مفيش جمل بتتلعب كله اداء فردى من اللاعيبه
ومتهيالى ميدو لما نزل حسينا بروح فى الفرقه
والدليل اننا جبنا جونين فى الشوط التانى وضيعنا اكتر من فرصه
انا بعذر عصبية ميدو وشيكا النهارده لانهم حاسين ان هما مسئولين عن الفرقه عليهم عبء كبير وهو اسعاد الملايين العاشقهللفانله البيضاء
وطبعا مش هننسى الحكم دون المستوى ولولا اننا فى شهر رمضان انا كنت وصفته باحقر الصفات وبقول لكل الزملكاويه بلاش روح الياس تسيطر علينا ولازم كلنا يكون عندنا امل فى ربنا اولا وفى الفريق لاننا مش عاوزين نوصل روح الياس دى للفريق ونقول الضربه اللى مش هتقصف ضهرى هتقوينى وهتزيدنى تحمل
فانا بقول ان الجهاز الفنى عليه عبء كبير خلال الفتره اللى جايه ولازم نشوف شغل اكتر منهم
لان الموسم ده لو ما عملناش حاجه مش هتجيلنا فرصه تانى علشان نعمل فيها حاجه
وبرضو هشجع الزمالك........
الأحد مايو 22, 2011 5:44 am من طرف MoOoDy
موضوع: برضه هشجع الزمالك